نصمم مواقع احترافية لشركات العقار والعيادات والمشاريع الصغيرة، مبنية من أول سطر عشان تحوّل الزائر لعميل يتواصل معك. ونكمّل معك بإدارة حسابك في الإنستغرام عشان يوصلك جمهور أكبر.
اختر اللي يناسب وضعك الحالي، وإحنا نمشي معك خطوة بخطوة.
موقع يوضّح شغلك في ثواني، ويخلي الزائر يتواصل معك بدل ما يطلع ويروح لغيرك.
اطلب تسعيرةمتجر جاهز يستقبل الطلبات والدفع من أول يوم، وتديره بنفسك من غير ما تحتاج مبرمج.
اطلب تسعيرةنصلّح اللي يوقف الزائر عن الشراء — البطء والترتيب وطريقة العرض — بدون ما تبدأ من الصفر.
اطلب تسعيرةمحتوى منتظم وإعلانات توصل للجمهور الصح، فتوصلك رسائل وطلبات بدل متابعين بس.
اطلب تسعيرةكثير من الشركات عندها موقع، بس ما يجيب ولا طلب. المشكلة مو في وجود الموقع، المشكلة في طريقة بنائه. هذي أكثر ٤ أخطاء نشوفها:
تأسست شركتنا لتقديم أفضل الخدمات العقارية بأعلى معايير الجودة، ونسعى دائمًا لتحقيق رؤيتنا ورسالتنا في خدمة عملائنا الكرام.
اقرأ المزيدالزائر قرأ عن الشركة، بس ما عرف ليش يختارها. نفس الشركة، نفس الخدمة بس الزائر عرف ليش يختارها وحجز في خطوتين.
«تأسست شركتنا» و«نسعى للتميّز»، كلام يتكرر في كل موقع، وما يقول للعميل وش يستفيد هو.
ما في شي يفرّقك عن أي شركة ثانية في نفس المجال، فالعميل يقارن بالسعر بس ، أو يطلع ويروح لغيرك.
أغلب عملائك يفتحون من الجوال، والخط صغير والأزرار متلاصقة والصفحة تاخذ ثواني طويلة عشان تفتح.
الموقع يقول عن نفسه إنه الأفضل، وما في ولا رأي عميل ولا عمل سابق يخلي الزائر يثق فيك.
ثلاثة مواقع بنيناها عشان تجيب حجوزات، مو بس تعرّف بالشركة.
فلل بالملايين. العميل ما يقرر من صورة — يحتاج يشوف التفاصيل ويحجز معاينة وهو واثق.
صاحب الحيوان قلقان ويبغى طبيب بسرعة. الموقع يطمّنه ويخلّيه يحجز بأقل ضغطات.
عقارات كثيرة بأنواع مختلفة. الزائر لازم يوصل للي يدوّر عليه في ثواني، مو في دقائق.
ما نخفي الأسعار ولا نطلب منك تتواصل عشان تعرفها. ابدأ بالباقة المناسبة لك اليوم، ونكبّرها معك بعدين.
لمشروع جديد يبغى موقع احترافي يعرّف فيه ويستقبل تواصل العملاء.
اللي تاخذه:
لشركة عقار أو عيادة تبغى موقعها يجيب طلبات، مو بس يعرّف فيها.
كل اللي في الأساسية، وفوقها:
لشركة عندها خدمات أو مشاريع كثيرة وتحتاج نظام حجز ولوحة تحكم.
كل اللي في الأعمال، وفوقها:
لسه متردد؟ نصمم لك الصفحة الرئيسية مجانًا، وإذا ما عجبتك ما تدفع ولا ريال.
لحساب يحتاج نشر منتظم بدون ما تشيل همّه.
اللي تاخذه كل شهر:
لحساب يبغى تفاعل أكثر وجمهور مهتم بخدماتك.
كل اللي في الأساسية، وفوقها:
لشركة تبغى رسائل وعملاء من إنستغرام كل شهر.
ميزانية الإعلانات منفصلة وتُدفع لـ Meta مباشرة. أقل مدة اشتراك شهرين.
ابدأ بهذه الباقةكل اللي في النمو، وفوقها:
كيف نسوي الريلز؟ نرسل لك أفكار التصوير ضمن خطة المحتوى، تصوّر من جوالك، وعلينا المونتاج والنشر.
لمتجر شغّال على سلة، بس شكله ما يعكس مستوى منتجاتك.
اللي تاخذه:
لصاحب نشاط يبغى يبيع أونلاين بمتجر جاهز على سلة من أول يوم.
اشتراك منصة سلة يُدفع لها مباشرة وغير شامل في السعر.
ابدأ بهذه الباقةاللي تاخذه:
نشتغل على سلة فقط. منصة سعودية ومرخّصة، وتقدر تدير متجرك بنفسك بعد التسليم من غير مبرمج.
اشترك في أي باقة موقع مع باقة تسويق لمدة ٣ شهور، وخذ خصم ١٠٪ على التسويق.
مواعيد واضحة وخطوات محددة، وما تدفع ولا ريال قبل ما تشوف تصميم موقعك ويعجبك.
نسألك عن خدماتك وعملائك وش تبغى الموقع يحقق لك، ونحدد معك الباقة المناسبة.
نحسّن المحتوى اللي أرسلته عشان يكون موجّه للبيع، ونصمم لك الصفحة الرئيسية كاملة. تشوف موقعك الحقيقي قبل أي التزام.
باقي الصفحات، نماذج الطلب، ربط الواتساب، والتوافق مع الجوال. تتابع الشغل أول بأول وتطلب أي تعديل.
تعديلات بدون حد ضمن نطاق باقتكنربط الدومين والاستضافة، نتأكد إن كل زر ونموذج يشتغل، ونسلّمك موقع جاهز يستقبل طلبات. والدعم الفني معك حسب باقتك.
كنا نبغى موقع يليق بمشاريعنا ويسهّل على العميل يحجز معاينة، وجروويب فهموا هذا من البداية. الموقع طلع فخم وواضح، ويعرض كل مشروع بتفاصيله بشكل مرتب.
أغلب عملائنا يتواصلون من الجوال وهم قلقانين على حيواناتهم، فكان مهم الحجز يكون سهل وسريع. جروويب صمموا لنا موقع مرتب يوضح خدماتنا وأطباءنا، والحجز صار يوصلنا مباشرة على الواتساب.
نصمم لك الصفحة الرئيسية مجانًا خلال ٤ أيام عمل. تعجبك؟ نكمّل. ما تعجبك؟ ما تدفع ولا ريال.
ابدأ بالتصميم المجانياكتب لنا على الواتساب، ونرد عليك بنفسنا مو برسالة آلية.
اسألنا على الواتسابعن الموقع
لا. السعر المكتوب هو اللي تدفعه، بدون ضريبة إضافية. الدومين والاستضافة مجانًا أول سنة، ونوضح لك سعر التجديد قبل ما تبدأ. وأي إضافة خارج باقتك، مثل صفحة أو ميزة جديدة، نتفق على سعرها معك قبل ما نشتغل عليها.
سؤال عادل، وإحنا نفسنا نستخدم أدوات الذكاء الاصطناعي في شغلنا كل يوم. بس الأداة تعطيك صفحة، ما تعطيك قرارات. وش أول شي يشوفه عميلك؟ وش الشي اللي يخلّيه يتردد؟ وين نحط زر الحجز عشان يُضغط فعلًا؟ هذي إجابات تجي من فهم نشاطك وعملائك، مو من وصف تكتبه في مربع. وفيه ملاحظة صارت واضحة: المواقع اللي تطلع من هذي الأدوات تشبه بعض — نفس الترتيب ونفس الشكل ونفس الكلام. عميلك ما راح يقول لك «هذا ذكاء اصطناعي»، بس بيحس إنه شاف الموقع قبل، وهذا الإحساس لحاله يضيّع تميّزك. والفرق الثاني: لما تسوّيه بنفسك، إنت المسؤول عن السرعة والجوال والربط والاستضافة وأي شي يخرب بعد شهر. معنا فيه أحد ترجع له. وأسهل طريقة تقارن: خلّنا نصمم لك الصفحة الرئيسية مجانًا، وقارنها باللي طلع لك.
إيه. إذا عندك دومين، يبقى في حسابك وكل شي يكون عندك. وإذا حجزناه لك، تاخذ حساب على الاستضافة تدخل منه على موقعك في أي وقت. ولو قررت تنقل موقعك لجهة ثانية، نسلّمك الدومين والملفات كاملة.
أكيد. نسلّمك لوحة تحكم ونعطيك تدريب عليها عشان تعدّل بنفسك، أو ترسل لنا التعديل ونسويه لك. التعديلات البسيطة مثل تغيير نص أو صورة علينا مجانًا، والإضافات الجديدة نتفق على سعرها قبل.
خلال تنفيذ موقعك تطلب أي تعديل على التصميم أو المحتوى لين يعجبك، بدون عدد محدد للتعديلات. الشرط الوحيد إنها تكون ضمن نطاق باقتك، يعني إضافة صفحات أو مميزات جديدة تُحسب لحالها.
نبني الموقع بطريقة يفهمها قوقل، وفي باقتي الأعمال والنمو نضيف SEO وكتابة محتوى يساعد صفحاتك تظهر للي يدوّر على خدمتك. الوصول لأول النتائج ياخذ وقت ويعتمد على المنافسة في مجالك، وأي أحد يضمن لك المركز الأول خلال أيام لا تصدقه.
المنصة الجاهزة تعطيك قالب يشبه آلاف المواقع، والمستقل غالبًا يسلّمك تصميم وينتهي دوره. إحنا نبني موقعك عشان يبيع: نكتب المحتوى، نحط الحجز والواتساب في المكان الصح، ونبقى معك بالدعم بعد الإطلاق. وتشوف تصميم صفحتك الرئيسية مجانًا قبل ما تدفع ريال.
اطلب تسعيرتك، ونصمم لك الصفحة الرئيسية لموقعك الإلكتروني مجانًا قبل ما تدفع ولا ريال. تشوفها بعينك، وبعدين تقرر.